ශ්‍රී ලංකා නිදහස් පක්ෂයේ සිට ආණ්ඩුවේ අමාත්‍ය ධූර ලබාගත් මන්ත්‍රී කණ්ඩායම හිටපු ජනාධිපතිනි චන්ද්‍රිකා කුමාරතුංග හමුවී සාකච්ඡා කර ඇති බව දේශපාලන ආරංචිමාර්ග සඳහන් කරයි.
කොළඹ ටොරින්ටන් පෙදෙසේ පිහිටි හිටපු ජනාධිපතිනියගේ නිල නිවසේදී මෙම සාකච්ඡාව පවත්වා ඇති අතර එහිදී වර්තමාන නිදහස් පක්ෂ නායකත්වය හා ක්‍රියාකලාපය සම්බන්ධයෙන් දීර්ඝ වශයෙන් සාකච්ඡා කර ඇති බව වාර්තා වෙයි.
මෙම සාකච්ඡාව සඳහා නිමල් සිරිපාල ද සිල්වා, මහින්ද අමරවීර, රාජ්‍ය අමාත්‍යවරුන් වන ලසන්ත අලගියවන්න, ජගත් පුෂ්පකුමාර, චාමර සම්පත් දසනායක සහ ආචාර්ය සුරේන් රාගවන් මෙන්ම පාර්ලිමේන්තු මන්ත්‍රී දුමින්ද දිසානායක එක්ව තිබෙන තිබේ.
පසුගියදා පැවැති මෙම සාකච්ඡාව පැය දෙකකට වැඩි කාලයක් පැවති බව එම ආරංචිමාර්ග සඳහන් කරයි.