ටෙලිකොම් ආයතනය පාඩු ලබන බවත් එය විකුණා නොදැමුවහොත් ජනතාවට කෑම නොලැබෙනු ඇති බව ජනාධිපතිවරයා සහ වජිර අබේවර්ධන පැවසූවද එය සම්පූර්ණයෙන්ම අසත්‍යයක් බව සමගි ජන බලවේගයේ ආසන සංවිධායක නිරෝෂන් පාදුක්ක පැවසීය.
හෙතෙම මේ බව සඳහන් කළේ මාධ්‍ය හමුවකට එක්වෙමිනි.
එහිදී වැඩිදුරටත් අදහස් දක්වමින් නිරෝෂන් පාදුක්ක කියා සිටියේ වජිර අබේවර්ධනගේ ගාල්ල නිවසේ ලක්ෂ ගාණක ටෙලිකොම් බිලක් මේ දක්වා ගෙවා නොමැති බවයි.
පසුගිය වසරේදී පමණක් ශ්‍රී ලංකා ටෙලිකොම් ආයතනය රජය සතු කොටස් වෙනුවෙන් රුපියල් මිලියන 2000ක මුදලක් ගෙවා ඇති අතර සෘජු හා වක්‍ර බදු වෙනුවෙන් රුපියල් බිලියන 19.3 ක්ද රජයට ගෙවා තිබේ.
ටෙලිකොම් ආයතනයේ වත්කම් මේ වනවිට බිලියන 400කට ආසන්න බව එහිදී පැවසූ නිරෝෂන් පාදුක්ක අවධාරණය කළේ ටෙලිකොම් ආයතනය විකුණා දැමීමෙන් රජයට ලැබිය යුතු අති විශාල මුදල් ප්‍රමාණයක් අහිමි වන බවයි.