මහනුවර ප්‍රදේශයේ කිසිම රෝහලක විදුලිය විසන්ධි කිරීමක් සිදු නොකළ බව බලශක්ති අමාත්‍ය කංචන විජේසේකර පවසනවා.
අද (25) පාර්ලිමේන්තුවේදී අදහස් දක්වමින් අමාත්‍යවරයා මේ බව සඳහන් කළා.
එවැනි සිදුවීමක් ඇත්නම් වහාම දැනුවත් කරන ලෙසයි අමාත්‍ය කංචන විජේසේක වැඩිදුරටත් සඳහන් කර සිටියේ. එමෙන්ම මහනුවර සහ කොළඹ ප්‍රදේශයේ ඇති කිසිම රෝහලක විදුලිය විසන්ධි කිරීමක් සිදුකර නොමැති බවද ඔහු පාර්ලිමේන්තුවේදී අවධාරණය කර සිටියා.
රුපියල් ලක්ෂ 48ක විදුලි බිලක් නොගෙවීම හේතුවෙන්, මහනුවර ජාතික රෝහලේ පිළිකා ඒකකයේ විදුලිය විසන්ධි කර ඇති බව පාර්ලිමේන්තු මන්ත්‍රී ලක්ෂ්මන් කිරිඇල්ල සිදුකළ ප්‍රකාශයට පිළිතුරු ලබාදෙමින් බලශක්ති ඇමතිවරයා මේ බව පැවසුවා.