භික්ෂූන් වහන්සේ නමකගෙන් රුපියල් කෝටි පහකට ආසනන් මුදලක් වංචා කළ කාන්තාවක් අපරාධ පරීක්ෂණ දෙපාර්තමෙන්තුව විසින් අත්අඩංගුවට ගත පුවතක් මෙරට ජාතික පුවත්පතක් අද (26) වාර්තා කර තිබුණා.
කලක සිට විහාරාස්ථානයේ පිංකම් ඇතුළු වැඩ කටයුතුවලට සහභාගී වෙමින් අදාළ හිමිනම සමඟ හිතවත්කමක් ගොඩනගා ගත් 71 හැවිරිදි කාන්තාවක් මෙලෙස මුදල් වංචා කර ඇති බවයි වාර්තා වන්නේ.
සැකකාර කාන්තාව විසින් කඩවත ප්‍රදේශයේ තමා නමින් ඇති ඉන්ධන පිරවුම්හළක් භික්ෂූන් වහන්සේට ලබාදෙන බව පවසා මෙම මුදල් වංචාව සිදුකර ඇති බවටයි තොරතුරු අනාවරණය වී ඇත්තේ.
මෙලෙස මෙම වංචාවට හසුව ඇත්තේ කැලණිය ප්‍රදේශයේ විහරාස්ථානයක විහාරාධිකාරී හිමි නමක් බවයි වාර්තා වුණේ. සැකකාර කාන්තාව සතුව කඩවත සහ ගනේමුල්ල යන ප්‍රදේශවල ඉන්ධන පිරවුම්හල් දෙකක් ඇති බවට කරුණු අනාවරණය කරගෙන තිබෙනවා.
අදාළ කාන්තාව කැලණිය, පමණුවිල ප්‍රදේශයේ පදිංචිකාරිනියක් බවයි වාර්තා වන්නේ.