ජනවාරි මාසයේ සිට විදුලි ගාස්තු ඉහළ දැමීමට පියවර ගතහොත් විදුලි බිල ගෙවීම පැහැර හරින නිවෙස්වල විදුලි සැපයුම් විසන්ධි කිරීමට කටයුතු නොකරන බව ලංකා විදුලිබල මණ්ඩල එක්සත් වෘත්තීය සමිති සන්ධානයේ කැඳවුම්කරු රංජන් ජයලාල් පවසනවා.
ඔහු පෙන්වා දෙන්නේ විදුලි ගාස්තු වැඩිකර තිබියදීත් සේවකයන් විදුලි සැපයුම විසන්ධි කිරීමට ගියහොත් ජනතාවගේ ප්‍රතිචාරය භයානක වියහැකි බවයි.
එසේ වුවහොත් සේවකයන්ගේ ආරක්ෂාව පිළිබඳ ගැටලුවක් ඇතිවන බවයි ඔහු සඳහන් කළා.
ජනවාරි මාසයේ සිට විදුලි බිල යළිත් ඉහළ දැමීමට කටයුතු කරන බවට විෂය භාර අමාත්‍යවරයා පසුගියදා කළ ප්‍රකාශයකට ප්‍රතිචාර දක්වමින් අද ඔහු මෙම අදහස් පළ කළා.