අද සියලු ශ්‍රේණිගත කිරීම්වල අපේ රට පහළට ඇදවැටී ඇති බවත් බරපතළ අර්බූදයක රට ගිලී ඇති බවත් විපක්ෂ නායක සජිත් ප්‍රේමදාස පැවසීය. විපක්ෂ නායකවරයා මේ බව කියා සිටියේ ඊයේ (10) පස්වරුවේ කිලිනොච්චිය පැවති ජන හමුවකට එක් වෙමිනි.
ආණ්ඩුව පත් වූ සැනින් කෝටිපතියන්ට බදු සහන ලබාදෙමින් සිදුකළ අදූරදර්ශී අන්තනෝමතික ක්‍රියාවලිය හේතුකොටගෙන මූලිකව රටේ පරිහානිය සිදු වීම ආරම්භ වූ බව පැවසූ විපක්ෂ නායකවරයා අද වන විට අත්‍යවශ්‍ය ඖෂධ ටික ලබාගැනීමට පවා මුදල් අහිමි වූ බංකොලොත් තත්ත්වයකට රට පත්ව ඇතැයිද පැවසීය.