බිත්තර මිල ඉහළ යාම පාලනය කිරීම සඳහා ඉන්දියාවෙන් හෝ පාකිස්ථානයෙන් බිත්තර ආනයනය කළ යුතු බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන පවසයි.
හෙතෙම පෙන්වා දෙන්නේ එසේ නොවුනහොත් පාන් හැර සෙසු බේකරි නිෂ්පාදනවල මිල ඉහළ දැමීමට සිදුවන බවයි. එමෙන්ම රටේ බිත්තර ඉල්ලුමට සරිලන නිෂ්පාදනයක් නොමැති බවත් ඉන්දියාවෙන් හෝ පාකිස්තානයෙන් බිත්තර ආනයනය කරන්නේ නම් බිත්තරයක් රුපියල් 30 – 32 ත් අතර මිලකට අලෙවි කළ හැකි බවත් සභාපතිවරයා අවධාරණය කළේය.