ඉන්ධන සඳහා පවතින බදු අනුපාත ද ඉහළ නැංවීමට යෝජනා වී තිබෙනවා.
ඒ අනුව සියලුම ඉන්ධන සඳහා පැවති බදු ඉහළ නංවා ඇති අතර සෑම ඉන්ධන ලීටරයකටම රුපියල් 25ක බද්දක් එක් කර තිබේ.
ඒ අනුව ඔක්ටේන් 92 සහ 95 පෙට්‍රල් ලීටරයක් සඳහා පැවති නිෂ්පාදන බද්ද රුපියල් 27 සිට රුපියල් 52 ක් දක්වාත් වෙනත් වර්ගයේ පෙට්‍රල් ලීටරයක් සඳහා ද පැවති රුපියල් 27ක බද්ද රුපියල් 52 දක්වා ඉහළ නැංවා ඇති බව අදාළ ගැසට් නිවේදනයේ සඳහන්වනවා.
සුපර් ඩීසල් ලීටරයක් සඳහා පැවති රුපියල් 13ක නිෂ්පාදන බද්ද රුපියල් 38 දක්වා ඉහළ නංවා ඇති අතර වෙනත් ඩීසල් ලීටරයක් සඳහා පැවති රුපියල් 6ක නිෂ්පාදනය බද්ද රුපියල් 31 දක්වාත් ඉහළ නංවා තිබෙන අතර වෙනත් ඉන්ධන වර්ග ලීටරයක් සඳහා රුපියල් 13ක බද්ද රුපියල් 38 දක්වා ඉහළ නංවන බවද ගැසට් නිවේදනයේ සඳහන් ය.