ඊයේ (07) රාත්‍රියේ පෙතියගොඩ ප්‍රදේශයේ දී දෙපිරිසක් අතර ඇතිවූ ආරවුලක් දුරදිගයාමෙන් ඇති වූ ගැටුමකදී සිදුකළ පහරදීමකින් පුද්ගලයෙකු මියගොස් තිබෙන බව පොලිස් මාධ්‍ය ප්‍රකාශක කාර්යාලය පවසනවා.
මෙම පහරදීගැනීමෙන් තුවාල ලැබු පුද්ගලයින් දෙදෙනෙක් කොළඹ ජාතික රෝහලට සහ තිදෙනෙක් රාගම රෝහලට ඇතුළු කර තිබුණු අතර එහිදී මියගොස් ඇත්තේ බරපතළ තුවාල ලබා කොළඹ ජාතික රෝහලේ ප්‍රතිකාර ලබමින් සිටි අයෙකි.
ඔහු අවුරුදු 42ක් වයසැති පෙතියාගොඩ, කැලණිය ප්‍රදේශයේ පදිංචිකරුවෙකි.
පොලිස් විමර්ශන වලදී හෙළි වී ඇත්තේ තියුණු ආයුධ සහ පොලු මුගුරුවලින් මෙම පුද්ගලයාට පහර දී ඇති බවත් ආරවුලට හේතුව මෙතෙක් අනාවරණය වී නොමැති අතර පෑලියගොඩ පොලීසිය වැඩිදුර විමර්ශන සිදුකරයි.