QR කෝටා ක්‍රමය නොසලකා හරිමින් ඉන්ධන නිකුත් කර ඇති ඉන්ධන පිරවුම්හල්වල බලපත්‍ර වහාම අවලංගු කරන බව විදුලිබල හා බලශක්ති අමාත්‍යාංශය දැනුම් දී තිබේ.
ලංකා ඛනිජ තෙල් නීතිගත සංස්ථාවේ සහ ලංකා ඛනිජ තෙල් ගබඩා පර්යන්තයේ නිලධාරීන් සමඟ ඊයේ පැවති ප්‍රගති සමාලෝචන රැස්වීමකදී මෙම තීරණය ගෙන ඇත.
බොහෝ පිරවුම්හල් ඉන්ධන නිකුත් කිරීමේදී ජාතික ඉන්ධන බලපත්‍ර ක්‍රමය (QR) අනුගමනය නොකරන බව එහිදී නිලධාරියෙක් පෙන්වා දුන්නේය. ඉන්පසු කෝටා ක්‍රමය අනුගමනය නොකළ ඉන්ධන පිරවුම්හල් කිහිපයක් අත්හිටුවීමටයි එහිදී තීරණය කර ඇත්තේ.
මේ අතර විදුලිබල මණ්ඩලයට අයවිය යුතු රුපියල් බිලියන 105 ක මුදලක් අයකර ගැනීම, අඛණ්ඩ ඉන්ධන සැපයීමේ සැලසුම් සහ පිරිපහදු මෙහෙයුම් අඛණ්ඩව පවත්වාගෙන යාම පිළිබඳව ද මෙහිදී සාකච්ඡා කෙරිණි.