ශ්‍රී ලංකා පාපන්දු සම්මේලනයට තේරී පත්වූ සභාපති ශ්‍රී රංගා ඇතුළු නව නිලධාරී මණ්ඩලයට එම තනතුරුවල කටයුතු කිරීම අත්හිටුවන ලෙස දන්වා නිකුත් කළ අතුරු නියෝගය හෙට (20) දින තෙක් දීර්ඝ කිරීමට අභියාචනාධිකරණය අද (19) නියෝග කළේය.
ශ්‍රී ලංකා පාපන්දු සම්මේලනයේ නිලවරණය නීතිවිරෝධී යැයි සඳහන් කරමින් එහි හිටපු සභාපති ජස්වර් උමර් මහතා ගොනුකළ රිට් පෙත්සමක් අද සෝභිත රාජකරුණා සහ ධම්මික ගනේපොල යන අභියාචනාධිකරණ විනිසුරු මඩුල්ල හමුවේ සලකා බැලුණි.
ඉන් අනතුරුව එය වැඩිදුර සලකාබැලීම හෙට දින තෙක් කල්තැබූ අභියාචනාධිකරණය අදාළ තහනම් නියෝගය හෙට දින දක්වා දීර්ඝ කරන ලෙසත් නියෝග කළේය.