හිටපු ජනාධිපති ලේකම් ලලිත් වීරතුංගට සහ හිටපු මහබැංකු අධිපති අජිත් නිවාඩ් කබ්රාල්ට පෙබරවාරු මස 17 වැනිදා අධිකරණය හමුවේ පෙනීසිටින ලෙස දන්වා කොටුව මහේස්ත්රාත් අධිකරණය අද (26) සිතාසි නිකුත් කළේය.
නුගේගොඩ නාලාන්දාරාමාධිපති පූජ්ය තිනියාවල පාලිත හිමියන් ගොනුකළ පෞද්ගලික පැමිණිල්ලක් සළකා බැලූ අවස්ථාවේදීයි මෙලෙස ඔවුන් දෙදෙනාට සිතාසි නිකුත් කර ඇත්තේ.
අමෙරිකානු ජාතිකයෙකු වන ඉමාඩ් සා සුබේරි නැමැත්තාට ශ්රී ලංකා මහබැංකුවට අයත් අමෙරිකානු ඩොලර් මිලියන 6.5ක මුදලක් ගෙවීමට පියවර ගැනීමෙන් මහබැංකුවට අදාළ මුදල අහිමි වී ඇති බව පවසමින් පූජ්ය තිනියාවල පාලිත හිමියන් අදාළ නඩුව ගොනු කර තිබේ.