පළාත් පාලන මැතිවරණ කටයුතු ආරම්භ කිරීම සඳහා මැතිවරණ කොමිෂන් සභාවේ සියලුම සාමාජිකයින්ගේ අත්සනින් යුත් ගැසට් නිවේදනයක් නිකුත් කිරීම අනවශ්‍ය බව මැතිවරණ කොමිෂන් සභාව පවසයි.
ඊට අවශ්‍ය ගැසට් නිවේදනය දිස්ත්‍රික් නිලධාරීන් විසින් ප්‍රකාශයට පත් කරන බව මැතිවරණ කොමිසමේ සභාපති නීතිඥ නිමල් පුන්චිහේවා පවසයි.
ඊට අදාළ ගැසට් පත්‍රය අද (30) හෝ හෙට (31) මුද්‍රණය සඳහා රජයේ මුද්‍රණාලය වෙත යොමු කිරීමට නියමිත බවයි වාර්තා වන්නේ.
මෙම ගැසට් පත්‍රය මෙතෙක් රජයේ මුද්‍රණාලය වෙත යවා නොමැති බව රජයේ ප්‍රවෘත්ති දෙපාර්තමේන්තුව ඊයේ (29) දැනුම්දීම විශේෂත්වයකි.