තම නිවසේ නීති විරෝධී මත්පැන් අලෙවි කරමින් සිටි සිටි කොළඹ ජාතික රෝහලේ සුළු සේවකයෙකු මත්පැන් බෝතල් 20ක් සමග බුලත්සිංහල පොලිසිය විසින් අත් අඩංගුවට ගෙන තිබෙනවා.
ගෝවින්න,පහළ නාරගල පදිංචි මෙම පුද්ගලයා කාලයක් බුලත්සිංහල රෝහලේ සහ මහරගම රෝහලේ සේවය කර ඇති අතර දැනට කොළඹ ජාතික රෝහලේ සුළු සේවකයෙකු ලෙස සේවය කරන අයෙක් බවටයි හෙළිවී ඇත්තේ.
54 හැවිරිදි සැකකරු දීර්ඝ කාලයක සිට නිවසේ නීති විරෝධී මත්පැන් අලෙවිය සිදු කර ඇතැයි පොලිසිය අනාවරණ කරගෙන තිබෙනවා.
මීට පෙර අවස්ථා කීපයකදිම අත් අඩංගුවට ගෙන ඇති මොහු රාජකාරියෙන් පසු සහ නිවාඩු දිනවලදි මත්පැන් ජාවාරම සිදු කර ඇතැයි සඳහන්.
තම නිවසේ ආරක්ෂක කැමරා සවිකර ඉතා සැලසුම් සහගතව සුක්ෂම ලෙස මත්පැන් අලෙවිය සිදු කරගෙන ගොස් ඇති අතර අලෙවියට සුදානම් කළ මත්පැන් උණු වතුර බෝතල් තුළ සඟවා තබා අලෙවි කර ඇතැයි පොලිසිය පවසනවා.