තුර්කියට බලපෑ ප්‍රබල භූ කම්පනයෙන් කිසිඳු ශ්‍රී ලාංකිකයෙක්ට හානියක් සිදුව ඇති බවට මේ දක්වා වාර්තා වී නොමැති බව විදේශ කටයුතු අමාත්‍ය අලි සබ්රි පවසයි.
කෙසේ වෙතත් අමාත්‍ය්වරයා අවධාරණය කළේ පවතින තත්ත්වය සම්බන්ධයෙන් තවදුරටත් අවධානයෙන් පසුවන බවයි.
අද අලුයම දකුණු තුර්කියේ ගැසින්ටෙප් ප්‍රදේශය ආසන්නයේ රික්ටර් මාපක 7.8ක භූ කම්පනයෙන් මියගිය සංඛ්‍යාව 500 ඉක්මවා ඇති බවයි විදෙස් මාධ්‍ය වාර්තා කර ඇත්තේ.
තුර්කියෙන් සහ සිරියාවෙන් මෙම මරණ වාර්තා වී ඇති අතර මෙම භූ කම්පනය සයිප්‍රස්, ග්‍රීසිය, ජෝර්දානය, ලෙබනනය, සිරියාව ඇතුළු රටවල් රැසකට දැනී ඇති බවයි වාර්තා වන්නේ.