සෙට්ටිකුලම්, නෙරියකුලම් ප්‍රදේශයේදී නිවසක් අසළ පිහිටි අනාරක්ෂිත ළිඳකට වැටී අවුරුදු 12ක් වයසැති පිරිමි දරුවෙකු මියගොස් තිබේ.
ඊයේ (14) උදෑසන කාලයේ දී එම අනතුර සිදුව ඇති බවයි පොලිසිය පවසන්නේ. දරුවා නිවසේ නොමැති බව දැනගත් පියා විසින් දරුවා පිළිබඳව සොයා බැලීමේ දී නිවස අසළ පිහිටි අනාරක්ෂිත ළිඳ ප්‍රදේශවාසීන් එක්ව සිදුකළ සෝදිසි කර ඇති අතර එහිදී ළිඳ තුළට වැටී සිටි දරුවා දැක ඇත.
අනතුරුව දරුවා සෙට්ටිකුලම රෝහලට ඇතුළත් කිරීමේදී මියගොස් ඇති අතර සිද්ධිය සම්බන්ධයෙන් සෙට්ටිකුලම පොලීසිය වැඩිදුර විමර්ශන සිදුකරනු ලබයි.