හිටපු අමාත්‍යවරයෙකු වන බන්දුල බස්නායක මහතා අද (16) පෙරවරුවේ කොළඹ ජාතික රෝහලේ ප්‍රතිකාර ලබමින් සිටියදී අභාවප්‍රාප්ත වීතිබෙනවා.
කලක සිට පැවති අසනීප තත්ත්වයක් හේතුවෙන් රෝහලේ ප්‍රතිකාර ලබමින් සිටියදී යි ඔහු මෙලෙස අභාවප්‍රාප්ත වී ඇත්තේ.
හිටපු ක්‍රීඩා අමාත්‍යවරයා අභාවප්‍රාප්ත වන විට 76 වන වියේ පසු වුණා.
1980 දශකයේ දේශපාලනයට පිවිසි බන්දුල බස්නායක මහතා 1994-2000 කාලය තුළ කුරුණෑගල දිස්ත්‍රික්කයේ පාර්ලිමේන්තු මන්ත්‍රීවරයෙකු ලෙස කටයුතු කළා.
2004-2010 අතර කාලයේ එක්සත් ජනතා නිදහස් සන්ධානය නියෝජනය කළ මන්ත්‍රීවරයා පරිසර හා වාරිමාර්ග නියෝජ්‍ය අමාත්‍යවරයා ලෙස ද කටයුතු කර ඇති අතර, ඔහු කැබිනට් නොවන ක්‍රීඩා අමාත්‍යවරයා ලෙස ද කටයුතු කර තිබෙනවා.
හිටපු අමාත්‍ය බන්දුල බස්නායක මහතාගේ දේහය පිළිබඳ අවසන් කටයුතු ලබන 19 වන දින ගල්ගමුවේදී සිදුකිරීමට නියමිතයි.