ගුවන් ගමන් පාලකවරුන් රට හැරයාම නිසා ඇතිව තිබෙන පුරප්පාඩු සඳහා නව නිලධාරීන් 50 දෙනෙකු පුහුණුව සඳහා බඳවා ගන්නැයි උපදෙස් ලබා දී තිබේ.
වරාය නාවික හා ගුවන්සේවා අමාත්‍ය නිමල් සිරිපාල විසින් ගුවන්තොටුපොළ හා ගුවන්සේවා සමාගමේ සභාපතිවරයා ඇතුළු පාලන අධිකාරියට මේ බව දැනුම් දී තිබෙනවා.
පුහුණු කටයුතු සඳහා දැනට පවතින තාක්ෂණික ගැටළුවලට අවශ්‍ය සියළු මුල්‍ය ප්‍රතිපාදන ලබාදෙන ලෙස ද අමාත්‍යවරයා ගුවන් සේවා සභාපතිවරයාට උපදෙස් ලබාදී ඇති බවයි වරාය නාවික හා ගුවන්සේවා අමාත්‍යංශය නිවේදනය කළේ.
ඒ අනුව අප්‍රේල් මස 01වනදා වනවිට ගුවන් ගමන් පාලකවරුන් 50දෙනා පුහුණුව සඳහා බඳවා ගැනීමටයි නියමිතව ඇත්තේ.