අද කොළඹදී පැවැත්වෙන විරෝධතාවකට අධිකරණයෙන් නියෝගයක් නිකුත් කර තිබෙනවා.
උද්ඝෝෂකයින් පිරිසක් කොටුව ප්‍රදේශයට එක් රැස් වී පා ගමනින් විවිධ මාර්ගවලින් ගොස් ජනාධිපති කාර්යාලය ඇතුළු වෙනත් ගොඩනැගිලිවලට ඇතුළු වීමට සැලසුම් කරන බවට කොටුව පොලිසියට ලැබුණු තොරතුරු මත එය තහනම් කරන ලෙසටයි කොටුව මහේස්ත්‍රාත් අධිකරණයෙන් ඉල්ලා ඇත්තේ.
ඒ අනුව උද්ඝෝෂණයක් පැවැත්වුවහොත් උද්ඝෝෂණකරුවන් සහ මහජනතාව අතර ගැටුම්කාරී තත්ත්වයක් හා නොසන්සුන්කාරී තත්වයක් මතු වී මහජන පීඩාවක් ඇතිවිය හැකි බැවින් එය වළක්වාලීම සඳහා සහ මහජන ආරක්ෂාව වෙනුවෙන් මෙම නියෝගය නිකුත් කර තිබෙනවා.