කොළඹ නගරය ස්මාර්ට් නගරයක් බවට පත්කිරීමට අවශ්‍ය සහය සහ ස්මාර්ට් තාක්ෂණය තාක්ෂණ අමාත්‍යාංශයෙන් ලබාදෙන බව තාක්ෂණ රාජ්‍ය අමාත්‍ය කනක හේරත් පැවසීය.
රාජ්‍ය අමාත්‍යවරයා මේ බව කියා සිටියේ කොළඹ වරාය නගර ආර්ථික කොමිෂන් සභා පනත යටතේ නියෝග දෙකක් මත ඊයේ පැවති පාර්ලිමේන්තු විවාදයට එක්වෙමින්.
පරිසරයට හානියක් නොවන පරිදි අනෙකුත් රටවල් සමඟ සහයෝගයෙන් එම කටයුතු සිදු කරන බව ඔහු පැවසීය
නව ආයෝජන ගලා ඒමත් සමඟ 5G තාක්ෂණය මේ වසර අවසන් වන විට හඳුන්වා දී සක්‍රීයව ක්‍රියාත්මක කරන බවත්, මෙම තාක්ෂණය දැනටමත් සමහර ස්ථානවල ආරම්භ කර ඇති බවත් අමාත්‍යවරයා සඳහන් කළේය.