ශ්‍රී ලංකා මහ බැංකුවේ සහ ආරක්ෂක අමාත්‍යාංශයේ වෙබ් අඩවි අවහිර කර ඇති බව වාර්තා වෙයි.
නමුත් මෙම වෙබ් අඩවි දෙක අවහිර කර නොමැති අතර ඒ වෙනුවට අනතුරු ඇඟවීමක් පමණක් ලැබී ඇති බවයි වාර්තා වන්නේ.
FalconFeeds.io මාර්තු 02 වැනිදා නිවේදනය කර තිබුණේ ශ්‍රී ලංකාවේ වැදගත්ම වෙබ් අඩවි දෙකකට ප්‍රවේශය ඇතුළු දත්ත කෙල්වින් සිකියුරිටි නම් දත්ත නියෝජිතායතනයක් හරහා වෙන්දේසි කරන බවයි.
කෙසේ වෙතත් එම වෙබ් අඩවි අවහිර කරන බවට කොළඹ පිහිටි ඇමරිකානු තානාපති කාර්යාලය දිනකට පෙර තොරතුරු ලබාදී තිබූ බැවින් එය නැවැත්වීමට පියවර ගෙන ඇති බව එම නිලධාරීන් ප්‍රකාශ කළා.
කෙසේ වෙතත් ආරක්ෂක අමාත්‍යාංශයේ ප්‍රකාශක කර්නල් නලින් හේරත් එය ප්‍රතික්ෂේප කරමින් කියා සිටියේ තම වෙබ් අඩවියට ප්‍රහාරයක් එල්ල වන බවට අනතුරු අඟවා තිබියදීත් ප්‍රහාරයක් එල්ල නොවූ බවයි.
මෙම තත්ත්වය තුළ අන්තර්ජාල ප්‍රහාර කල්තියා වළක්වා ගැනීම සඳහා වඩාත් ආරක්‍ෂිත ක්‍රියාමාර්ග ගන්නා බවයි ඔහු කියා සිටියේ.