මැතිවරණ මුද්‍රණ කටයුතු වෙනුවෙන් මුදල් ප්‍රතිපාදන ඉල්ලා මහා භාණ්ඩාගාරයට යළිත් ලිපියක් යොමු කළ බව රජයේ මුද්‍රණාලය පවසයි.
මුද්‍රණාලායාධිපති ගංගා කල්පනී ලියනගේ කියා සිටියේ මහා භාණ්ඩාගාරයේ මෙහෙයුම් දෙපාර්තමේන්තුවට අදාළ ලිපිය යොමු කළ බවත් එහි පිටපතක් මැතිවරණ කොමිසමේ සභාපතිවරයාටද යොමු කළ බවත්ය.
මුද්‍රණ කටයුතු වෙනුවෙන් මුදල් ඉල්ලා මීට පෙර මුදල් අමාත්‍යාංශයට යොමු කළ ලිපියට මෙතෙක් කිසිදු ප්‍රතිචාරයක් ලැබී නොමැති බවයි මුද්‍රණාලයාධිපතිනිය වැඩිදුරටත් කියා සිටියේ.