රටේ පවතින වර්තමාන වාතාවරණය මත බස්නාහිර පළාත තුළ ක්රියාත්මක වන උද්ඝෝෂණ මැඩපැවැත්වීම සදහා කැරලි මර්දන උපකරණ ලබා දෙන ලෙසට ඉල්ලා පොලිස් මුලස්ථානය දිවයිනේ පොලිස් කොට්ඨාස 12 ක් වෙත විශේෂ දැනුම්දීමක් කර ඇති බව වාර්තා වෙයි.
ගෑස් මුහුණු ආවරණ, කැරලි පලිහ, ආරක්ෂක හිස් වැසුම්, රබර් මුගුරු ආදිය ඉල්ලා ජ්යෙෂ්ඨ නියෝජ්ය පොලිස්පති සජීව මැදවත්තගේ අත්සනිනි යුතු මෙම ලිපිය පොලිස් කොට්ඨාස වෙත යොමු කර තිබේ.
අනුරාධපුරය, මඩකලපුව, ඇල්පිටිය, කුරුණෑගල, මාතලේ, පොළොන්නරුව, තංගල්ල, මහනුවර, කන්තලේ, නුවරඑළිය, පුත්තලම, ත්රිකුණාමලය යන පොලිස් කොට්ඨාසවලින් මෙම ඉල්ලීම කර ඇති බවයි පොලිස් මූලස්ථාන ආරංචිමාර්ග පවසන්නේ.