2022 තුන්වන වාරය අදින් (24) අවසන් වන අතර 2023 පළමු වාරය සඳුදා (27) ආරම්භ වන බව අධ්‍යාපන අමාත්‍ය සුසිල් ප්‍රේමජයන්ත පැවසීය.
2020 සහ 2021 වසරවල සිසුන්ගෙන් සියයට 60 කට වැඩි පිරිසකට පාසල් පැමිණීමට නොහැකි වූ බැවින් ඔවුන් මේ වසරේ වැඩි නිවාඩු ලබා නොදුන් බවයි අමාත්‍යවරයා සඳහන් කළේ.
සාමාන්‍යයෙන් පාසල්වල පළමු වාරය ජනවාරි මාසයේ ආරම්භ විය යුතු වුවද කොරෝනා හේතුවෙන් ප්‍රමාද වූ කාලසටහන් සමඟ ඉදිරියට යන බවත් අමාත්‍යවරයා සඳහන් කළේය.
සැලසුම් කළ පරිදි විභාග පැවැත්වූ බවත් 2022 පහ ශ්‍රේණිය ශිෂ්‍යත්ව විභාගයේ කඩඉම් ලකුණු ප්‍රකාශයට පත් කර ඇති බවත් ඔහු දන්වා සිටියේය.
බොහෝ පාසල් අඟහරුවාදා (28) පළමු පන්තියට සිසුන් ඇතුළත් කර ගැනීමට ද කටයුතු යොදා ඇති බව ඔහු සඳහන් කළේය.