කුකුළු නිෂ්පාදන කර්මාන්තයට අදාළව බදු සහනය ලබාදෙන්නේ නම් බිත්තරයක් රුපියල් 42ක මුදලකට ලබාදීමේ හැකියාව පවතින බව සමස්ත ලංකා බිත්තර නිෂ්පාදකයින්ගේ සංගමය පවසනවා.
බිත්තර සඳහා පනවා ඇති ගැසට් නිවේදනය ඉවත් කර මෙම කර්මාන්තයට අදාළව බදු සහනයක් ලබා දෙන්නේ නම් සිංහල හින්දු අලුත් අවුරුද්දේ සිට හිඟයකින් තොරව බිත්තර ලබාදීමේ හැකියාවක් පවතින බවයි ඔවුන් වැඩිදුරටත් සඳහන් කරන්නේ.
බිත්තර සඳහා පනවා ඇති ගැසට් නිවේදනය හේතුවෙන් බොහෝ පිරිස් මෙම කර්මාන්තයෙන් ඉවත්ව ඇති බවත් එම සංගමය පෙන්වා දෙනවා. මේ අතර බිත්තර පිටරටින් ගෙන්වීමට කටයුතු කිරීමෙන් මෙම කර්මාන්තය අනතුරකට ලක්ව ඇති බවත් එම සංගමය සඳහන් කර සිටිනවා.