පාස්කු බෝම්බ මහ මොළකරු වන සහරාන් හෂීම්ට ආධාර අනුබල ලබාදුන් බව කියන කෝටිපති ව්‍යාපාරිකයෙක් දින 90ක් රඳවාගෙන ප්‍රශ්න කිරීමට අධිකරණය අවසර ලබා දී තිබේ.
පසුගිය 21 වැනිදා සැකකරු අත්අඩංගුවට ගෙන ඇත.
ඒ. එස්. අබ්දුල්ලා වන මොහු තවුහිද් ජමාද් සංවිධානයේ නායක සහරාන් හෂීම්ගෙන් අවි පුහුණුව ලබා පාස්කු ඉරිදා මරාගෙන මැරෙන බෝම්බ ප්‍රහාරයට ආධාර අනුබල ලබාදුන් බවයි පැවසෙන්නේ.
මහනුවර ප්‍රදේශයේ පදිංචිකරුවෙකු වන මොහු මෙලෙස දින 90ක රදවාගෙන ප්‍රශ්න කිරීමට අවසර ලබා දී ඇත්තේ අන්තවාදී ක්‍රියාකාරකම්වලට සම්බන්ධ වී ඒ සඳහා ආධාර අනුබල දීම සම්බන්ධයෙනුයි.