කොළඹ නගර සභා බල ප්‍රදේශය තුළ සිදුවන මරණවලින් 90%ක් පමණ සිදුව ඇත්තේ හෘදයාබාධ වැළඳීමෙන් බව නවතම පරීක්ෂණයකින් අනාවරණය වී තිබේ.
කොළඹ නගරසභා සීමාවෙන් පමණක් සතියකට හෘදයාබාධ හේතුවෙන් මරණ පහළොවක් පමණ වාර්තා වන බවත් මෙලෙස සිදුවන මරණ පසුගිය වර්ෂවලට සාපේක්ෂව වැඩි බවත් කොළඹ නාගරික හදිසි මරණ පරික්ෂක ඉරේෂා සමරවීර සඳහන් කළාය.
මෙලෙස වැඩි වශයෙන් හෘදයාබාධවලට ලක්වී මියගොස් ඇත්තේ අවුරුදු තිහ සිට අසූව දක්වා වයස් කාණ්ඩවල පුද්ගලයන් වීම විශේෂත්වයකි.
මීට හේතුව වී ඇත්තේ බොහෝ අවස්ථාවල සුළු වශයෙන් පපු ප්‍රදේශයේ ඇතිවන වේදනා නොසලකා හැරීම සහ තෙල් සහිත ආහාර අධික වශයෙන් ගැනීමයි.