ලෝකයේ අධි උද්ධමනයක් සහිත රටවල් ලැයිස්තුවෙන් වසරකට ආසන්න කාලයකට පසුව ශ්‍රී ලංකාව ඉවත් කර තිබේ.
ජොන් හොප්කිංස් විශ්වවිද්‍යාලයේ ආර්ථික විද්‍යාඥ ස්ටීව් හැංකි විසින් සති දෙකකට වරක් ප්‍රකාශයට පත්කරන ලද උද්ධමන ලැයිස්තුවෙනුයි මෙලෙස ශ්‍රී ලංකාව ඉවත් කර ඇත්තේ.
ඔහුගේ උද්ධමන දර්ශකයේ මීට ටික කලකට පෙර ආසියාවේ ඉහළම උද්ධමනයක් ඇති රට ලෙස දෙවැනි ස්ථානයට ශ්‍රී ලංකාව පත් විය. ඒ අනුව මාර්තු 23 වැනිදා නිකුත් කර ඇති උද්ධමන දර්ශකයෙන් ශ්‍රී ලංකාව ඉවත් කර ඇති අතර රටවල් 18ක් එම ලැයිස්තුවට ඇතුළත් කර තිබේ.
