සෑම මත්ස්‍ය කිලෝවක්ම පාහේ රුපියල් දහසකට වැඩි මිලකට අලෙවි වන බවට පාරිභෝගික ජනතාව මැසිවිල නගයි.
ඔවුන් චෝදනා කරන්නේ රජය ඉන්ධන මිල අඩු කළ ද එම වාසිය තමන්ට නොලැබෙන බවයි.
එමෙන්ම පසුගිය දිනවල රුපියල් 600 සිට 900 දක්වා මිල ගණන්වලට අලෙවි වූ මත්ස්‍ය කිලෝව අවුරුදු සමයේ රුපියල් දහස ඉක්මවා ඇති බවයි ඔවුන් සඳහන් කරන්නේ.
ඒ අනුව අද දිනයේ බේරුවල වරායේ තලපත් කිලෝව – රු. 1600 සිට රු. 1800 දක්වාත්, බලයා කිලෝව – රු. 900 සිට රු. 1200 දක්වාත්
කෙලවල්ලා කිලෝව – රු. 1300 සිට රු. 1600 දක්වාත්, ඉස්සෝ කිලෝව – රු. 1450 සිට රු. 1600 දක්වාත්, ලින්නා කිලෝව – රු. 700 සිට රු. 800 දක්වාත් ලේනපරව් කිලෝව – රු. 700 සිට රු. 800 දක්වාත් අලෙවි වූ බවයි ඔවුන් පවසන්නේ.