පුත්‍රයා විසින් තමන් සතු ව්‍යාපාරයේ මුදල් අවභාවිත කිරීම හේතුවෙන් මවක් සහ පියෙකු සිය දිවි හානිකර ගැනීමට ඉන්සියුලින් අධිමාත්‍රාවක් එන්නත් කර ගැනීමේ සිදුවීමක් මරදාන ප්‍රදේශයෙන් වාර්තා වෙනවා.
මෙම යුවළගේ දියණය විසින් ඔවුන් දෙදෙනාව පසුගිය 12 වැනිදා කොළඹ ජාතික රෝහළට ඇතුළත් කිරීමෙන් අනතුරුව පියා මියගොස් ඇති බවයි රෝහල් බලධාරීන් පවසන්නේ.
වසර ගණනාවක මෙම යුවළගේ ව්‍යාපාරය වී තිබුණේ සිට්ටු ක්‍රමයට මුදල් හුවමාරු කිරීම ව්‍යාපාරයි.
රුපියල් දෙකකින් ආරම්භ කළ මෙම ව්‍යාපාරය දිනෙන් දින ඉදිරියට පැමිණ ඇති අතර වසර 25කට අධික කාලයක් ඔවුන් මෙම ව්‍යාපාරයේ නිරත වි
මාස තුනකට පමණ පෙර සැමියා පිළිකා රෝගයකට ලක්වීම හේතුවෙන් බිරිඳට මෙම මුදල් එකතු කිරීමේ කටයුතු බාර දී තිබූ බවයි වාර්තා වෙන්නේ.
පස් දරු මවක් වූ ඇය, ඇගේ එක් පුතෙකු එම ව්‍යාපාරයේ මුදල් එකතු කිරීමේ කටයුතුවලට එක් කර ගැනීමට පියවර ගෙන තිබූ අතර අධික ලෙස සුදුවට ඇබ්බැහිව සිටි එම පුත්‍රයා ව්‍යපාරයෙන් මුදල් සුදුවට යොදවා ඇති බය අනාවරණය වී තිබෙනවා.
පසුව සිය මුදල් ඉල්ලමින් නිවසට පැමිණි පුද්ගලයින් මෙම යුවළට පරුෂ වචනයෙන් බැනීම හේතුවෙන් ඔවුන් මානසික පීඩාවකට ලක් වී සිට ඇති බවයි වාර්තා වෙන්නේ.
ඉන්පසුවයි ඔවුන් දෙදෙනා විසින් විස්තර සහිතව ලිපියක් ලියා දෙදෙනාම ඉන්සියුලින් අධිමාත්‍රාවක් ශරීර කරගෙන ඇත්තේ.