අර්ධ සුඛෝපභෝගී බස් සේවාව අවලංගු කර, එම බස්රථ සාමාන්‍ය සේවා බවට පත් කළහොත් රාත්‍රී දුරගමන් සේවාවලින් ඉවත්වීමට කටයුතු කරන බව ඒකාබද්ධ ප්‍රවාහන වෘත්තීය සමිති මධ්‍යස්ථානය පවසයි.
මේ නිසා අර්ධ සුඛෝපභෝගී බස්රථවලට ලැබෙන ආදායම් සීමා සහිත බවත් එවන් තත්ත්වයක් තුළ අර්ධ සුඛෝපභෝගී සේවාව ඉවත් කළහොත් දුරගමන් සේවා පවත්වාගෙන යාමට නොහැකි තත්ත්වයක් ඇති වන අතර දහවල් කාලයේදී බස් රථවලට ලැබෙන ආදායම් රාත්‍රී කාලයේදී නොලැබෙන බවත් එහි සභාපතිවරයා සඳහන් කළේය.
අර්ධ සුඛෝපභෝගි බස් සේවාව අවංලගු කිරීමට ප්‍රවාහන බලධාරීන් සැලසුම් කර තිබෙන බවත් අර්ධ සුඛෝපභෝගි බස් සේවා ක්‍රියාත්මක වන්නේ දුරගමන් සේවාවක් ලෙස බැවින් සෑම බස් නැවතුම්පොළකින්ම මගී බස්රථයට නංවා ගැනීමට නොහැකි බවයි ඔහු වැඩිදුරටත් අවධාරණය කළේ.
මේ නිසා අර්ධ සුඛෝපභෝගි සේවාව අහෝසි කර විශේෂිත දුරගමන් සේවා ලෙස නම් කර ගාස්තුව මෙන් 1.3ක් අයකර ගැනීමට අවස්ථාව ලබාදෙන ලෙස ප්‍රවාහන අමාත්‍යාංශයෙන් ලිඛිතව ඉල්ලා සිටි බවයි ඔහු පැවසුවේ.