වෙසක් පොහොය දිනයේ දිඹුලාගල දලුකාන ආදිවාසී ගම්මානයේ නිවසක මුදලට සූදු ක්රීඩාවේ නිරතව සිටි ආදිවාසී කාන්තාවන් දෙදෙනෙකු ඇතුළු 5 දෙනෙකු පොලිස් අත්අඩංගුවට ගෙන තිබෙනවා.
මනම්පිටිය පොලිසිය සඳහන් කළේ අත්අඩංගුවට පත් ආදිවාසී කාන්තාවන් සහ පිරිමි පුද්ගලයන් දලුකාන ගම්මානයේ ම පදිංචි අවුරුදු 28ත් 45 ත් අතර වයස්වල පසුවන්නන් බවයි.
දීර්ඝ කාලයක සිට මහා පරිමාණයෙන් පවත්වාගෙන යන මෙම සූදු පිටිය වැටලීමේදී තවත් ආදිවාසී කාන්තාවන් සහ පිරිමි පුද්ගලයන් පිරිසක් පළා ගොස් ඇති බව පොලිසිය ප්රකාශ කළා.
රජයෙන් ලැබෙන සහල් ආධාර අලෙවි කර මෙම ආදිවාසී කාන්තාවන් සූදු ක්රීඩාවේ නිරතව ඇති බවට මූලික පරීක්ෂණවලින් හෙළි වී තිබෙනවා.
සැකකරුවන් සමග ත්රී රෝද රථයක් ද පොලිස් අත්අඩංගුවට ගත් අතර ඔවුන් හෙට (06) පොලොන්නරුව මහේස්ත්රාත් අධිකරණයට ඉදිරිපත් කිරීමට නියමිතයි.
පළා ගිය සැකකරුවන් අත්අඩංගුවට ගැනීමට සඳහා විශේෂ මෙහෙයුමක් ආරම්භ කර ඇති බව ද පොලිසිය ප්රකාශ කළා.