ප්‍රංශයේ පැවැත්වෙන ලෝක හමුදා තුන් ප්‍රයාම තරගාවලියට ගොස් පලාගිය ශ්‍රී ලංකා කණ්ඩායමේ ක්‍රීඩකයන් හත්දෙනා සම්බන්ධයෙන් ජාත්‍යන්තර පොලිසියට පැමිණිලි කළ බව යුද හමුදාව පවසනවා.
ප්‍රංශ බලධාරින් විසින් ද ජාත්‍යන්තර පොලිසිය වෙත මම සම්බන්ධයෙන් පැමිණිලි කර ඇති බවයි වාර්තාවන්නේ.
24 වන ලෝක හමුදා තුන් ප්‍රයාම තරගාවලියට ගිය ශ්‍රී ලංකා කණ්ඩායමේ හත්දෙනෙකුයි මෙලෙස තරගාවලිය අතරතුර පලා ගොස් තිබෙන්නේ.
මෙම තරගාවලියට සහභාගිවීම සඳහා පසුගිය හතර වනදා ක්‍රීඩකයන් 13දෙනෙකු පිටත්ව ගොස් තිබෙනවා.
එම කණ්ඩායමට ත්‍රිවිධ හමුදාවේ පිරිමි පුද්ගලයන් 5දෙනෙක්, කාන්තාවන් 5දෙනෙක් සහ නිලධාරීන් 3දෙනෙක් ඇතුළත් වුණා.