විවෘත අධිකරණයේ කෑ ගසමින් අධිකරණයේ කටයුතු වලට බාධා කළ පුද්ගලයෙකුට බරපතල වැඩ සහිතව වසර 3 ක සිරදඬුවම් මතුගම ප්‍රධාන මහේස්ත්‍රාත් ඒ අයි.හෙට්ටිවත්ත මහත්මිය අද (22) නියම කළේය.
ගුණසිංහගේ ප්‍රදීප් වසන්ත සිල්වා නමැති 60 හැවිරිදි පුද්ගලයෙකුට මෙසේ සිර දඬුවම් නියම විය.
සැකකරු විවෘත අධිකරණයේ දී කෑ ගසමින් අධිකරණයේ කටයුතු වලට බාධා කිරීම නිසා මහේස්ත්‍රාත්තුමියගේ නියෝග මත අධිකරණයේ කටයුතු භාර නිලධාරියා විසින් මෙම සැකකරුට එරෙහිව චෝදනා පත්‍රයක් අධිකරණයට ඉදිරිපත් කළේය.
එම චෝදනා පත්‍රය අනුව අධිකරණයට අපහාස කිරීමේ චෝදනාවට සැකකරු වරදකරු බවට අධිකරණය පිළිගැනීමෙන් අනතුරුව සැකකරුට බරපතල වැඩ සහිතව වසර 3ක සිර දඬුවම් නියම කිරීමට මතුගම මහේස්ත්‍රාත් අධිකරණයේ ප්‍රධාන මහේස්ත්‍රාත් ඒ.අයි.හෙටිටිවත්ත මහත්මිය නියෝග කළේය.