ජනාධිපති රනිල් වික්‍රමසිංහ අද (24) ජපානය වෙත ළඟාවීමට නියමිතය.
ජනාධිපතිවරයා ඊයේ (23) සිංගප්පූරුව වෙත පිටත්ව ගිය අතර එහිදී එරට නීතිය සහ ස්වදේශ කටයුතු අමාත්‍ය කේ.ෂන්මුගම් මහතා ඇතුළු එරට ඉහළ පෙළේ රාජතාන්ත්‍රිකයින් කිහිපදෙනෙකු සමග සාකච්ඡා පවත්වා ඇති බවයි ජනාධිපති මාධ්‍ය අංශය සඳහන් කළේ.
ඒ අනුව අද (24) නිල සංචාරයක් සඳහා ජනාධිපති රනිල් වික්‍රමසිංහ ජපානය වෙත පිටත්ව යාමට නියමිතය. ජනාධිපතිවරයා අද සිට 27 වැනිදා දක්වා ජපානය තුළ රැඳී සිටීමට නියමිතය.
ජනාධිපතිවරයාගේ මෙම නිල සංචාරයේදී එරට අග්‍රාමාත්‍ය ෆුමියෝ කිෂිඩා, ජපාන විදේශ අමාත්‍ය යොෂිමාසා හයාෂි, මුදල් අමාත්‍ය ෂුනිචි සුසුකි සහ ඩිජිටල්කරණය පිළිබඳ අමාත්‍ය ටාරෝ කොනෝ යන අය සමග සාකච්ඡා පැවැත්වීමට නියමිත බවයි වාර්තා වන්නේ.
එමෙන්ම ජනාධිපතිවරයා ටෝකියෝ නුවර පැවැත්වෙන ආසියාවේ අනාගතය පිළිබඳ 28 වන ජාත්‍යන්තර සමුළුව ඇමතීමට ද නියමිතය.