විෂ මත්ද්‍රව්‍ය භාවිතා කර බස් රථ ධාවනය කරන රියදුරන් අත්අඩංගුවට ගැනීම සදහා බස්නාහිර පළාත ආවරණය වන පරිදි විශේෂ මෙහෙයුම්ක් ආරම්භ කර ඇති බව පොලිස් මුලස්ථානය පවසයි.
ගත වු දින දෙක තුළ සිදුකළ මෙහෙයුම් වලින් විෂ මත්ද්‍රව්‍ය භාවිතා කරමින් බස් රථ ධාවනය කළ රියදුරන් 15ක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.
රියදුරන් බොහොමයක් විෂ මත්ද්‍රව්‍ය භාවිතා කරමින් බස් රථ හා වෙනත් වාහන ධාවනය කරන බවට ලද පැමිණළි අනුව මෙම මෙහෙයුම සිදුකළ බවද හෙතෙම කීය.
විෂ මත්ද්‍රව්‍ය පානය කර බස් රථ ධාවනය කළහොත් මුල් අවස්ථාවේ දඩය රුපියල් 25,000 වන අතර, රියදුරු බලපත්‍ර රියදුරු බලපත්‍රය ද තාවකාලිකව අත්හිටුවන බවද පොලිස් මාධ්‍ය ප්‍රකාශකවරයා කීය.