සිය 11 හැවිරිදි දියණිය බරපතළ ලිංගික අපයෝජනයට ලක් කළ පියෙකුට බරපතළ වැඩ සහිත වසර 110ක සිරදඬුවමක් නියම කර තිබේ.
මීට අමතරව රුපියල් ලක්ෂ 06ක වන්දි මුදලක් සහ රුපියල් අසුදහසක දඩ මුදලක් ගෙවීමට බලපිටිය මහාධිකරණය ඊයේ (05) නියෝග කර තිබෙනවා.
පියා 2008 වසරේ ජනවාරි 01 වැනිදා සිට අවස්ථා ගණනාවකදී සිය දියණියව බරපතළ ලෙස ලිංගික අපයෝජනය කර ඇති බවයි ඌරගස්මහන්දිය පොලිසිය පවසන්නේ.
දැරිය අසල්වැසි කාන්තාවක් සමඟ පවසා ඇත්තේ තම මව විදෙස්ගතව සිටි කාලයේ සෑම දිනකම බීමතින් පැමිණ තම පියා තමන්ව ලිංගික අපයෝජනයට ලක්කළ බවයි.
අනතුරුව මෙම සිද්ධිය සම්බන්ධයෙන් පැමිණිලි කිරීමෙන් පසු සැකකාර පියා අත්අඩංගුවට ගෙන බලපිටිය අධිකරණයේ චෝදනා ගොනුකර නඩු පවරා තිබේ.