දින දෙකකට වඩා උණ ඇත්නම් අනිවාර්යයෙන්ම වෛද්‍ය ප්‍රතිකාර ලබා ගත යුතු බව සෞඛ්‍ය අංශ අවධාරණය කරයි.
උණ රෝගයෙන් පෙළෙන පුද්ගලයෙකුට වඩාත් වැදගත් වන්නේ විවේක ගැනීම බවයි රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ පවසන්නේ.
දෛනික කටයුතුවලින් ප්‍රමාණවත් විවේකයක් ලබා ගැනීම වැදගත් බවයි ඔහු පැවසුවේ. යමෙක් රැකියාවක යෙදී සිටී නම් හෝ පාසල් යන්නේ නම් ඔවුන්ට උණ වැලඳුනහොත් ඔවුන්ට දින කිහිපයක් නිවසේ රැඳී සිටීම අනිවාර්ය බවත් වෛද්‍යවරයා අවධාරණය කළේය.
උණ පාලනය කිරීම සඳහා පැරසිටමෝල් භාවිතා කළ යුතු බවත් උණ රෝගයෙන් පෙළෙන පුද්ගලයින් කිසිඳුවිටෙක ඩිස්ප්‍රින්, ඇස්ප්‍රින් හෝ ඒ හා සමාන ඖෂධ ගැනීමෙන් වැළකී සිටිය යුතු බවත් ඔහු සඳහන් කළේය.