හබරාදුව මිහිරිපැන්න ප්‍රදේශයේදි යතුරු පැදියක් නිවසක තාප්පයක හැපි යතුරුපැදියේ ගමන් ගත් ගුරුවරයෙකු කරාපිටිය රෝහලට ඇතුලත් කිරිමෙන් පසු අද (12) සවස මියගොස් තිබෙනවා.
මෙසේ මියගොස් ඇත්තේ කොටවිල මහා විදුහලේ ගුරුවරයෙකු වන දොඩන්ගොඩ පුහාඹුගොඩ පදිංචි කත්‍රි ආරච්චිගේ මංගල ප්‍රේමලාල් නමැති 45 හැවිරිදි ගුරුවරයෙකි.
ඔහු අද දහවල් යතුරු පැදියෙන් මාතර දෙස සිට ගාල්ල දෙසට ගමන් කරමින් සිටියදි යතුරු පැදිය පාර අයිනේ නිවසක තාප්පයේ හැපිමෙන් අනතුර සිදුව ඇති අතර පසුව බරපතල තුවාල ලබාසිටි ඔහු කරාපිටිය රෝහලට ඇතුලත් කිරිමෙනු පසු මියගොස් ඇත.
මියගිය අයගේ මරණ පරික්ෂණය හෙට කරාපිටිය රෝහලේදි පැවැත්විමට නියමිත අතර හබරාදුව පොලිසිය විසින් වැඩිදුර පරික්ෂණ පවත්වා ගෙන යනු ලැබේ.