පසුගිය 20 වැනිදා ගුවන් යානයක ඇතිවූ ප්‍රමාදය හේතුවෙන් දකුණු කොරියාවේ රැකියා සඳහා පිටත්ව යාමට නොහැකිවූ රැකියාලාභීන් 52 දෙනා ඊයේ (25) එරට බලා පිටත්ව ගොස් තිබේ.
එම ගුවන් ගමන් ප්‍රමාදය හේතුවෙන් මෙම 52 දෙනාට හිමිව තිබූ රැකියා අවස්ථාද නොලැබී යාමේ අවදානමක් පැවතිණි.
කෙසේනමුත් ශ්‍රී ලංකා විදේශ සේවා නියුක්ති කාර්යාංශයේ නිලධාරීන් දකුණු කොරියාවේ මානව සම්පත් දෙපාර්තමේන්තුවේ නිලධාරීන් සමඟ සාකච්ඡා සිදුකර ඔවුන්ගේ රැකියා සුරක්ෂිත කිරීමට පියවර ගෙන තිබේ.
එහි ප්‍රතිඵලයක් ලෙස ඔවුන්ට ඊයේ යළි දකුණු කොරියාව බලා පිටත්ව යාමට අවස්ථාව ලැබී ඇත.