ශ්‍රී ලංකාවේ වරායන් සංවර්ධනය කිරීමට අවශ්‍ය යුරෝපීය නවීන තාක්ෂණය ලබාදීමට බෙල්ජියම් තානාපතිවරයා එකඟතාවය පළ කර තිබේ.
වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා කළ ඉල්ලීමක් අනුවයි එම එකඟතාවය පළ කළ ඇත්තේ.
ඒ අනුව මෙහෙයුම් කටයුතු සඳහා යුරෝපීය නව තාක්ෂණය උපයෝගී කර ගන්නා බවත් එම තාක්ෂණය කොළඹ වරායේ මෙහෙයුම් කටයුතු සඳහා යොදාගැනීමට අවශ්‍ය සහය ලබා දීමටත් තානාපතිවරයා සිය කැමැත්ත පළ කර තිබේ.
ත්‍රිකුණාමලය සහ ගාල්ල වරායන් සංවර්ධනය කිරීමට අවශ්‍ය සහය ලබා දෙන ලෙස සහ එම සංවර්ධන කටයුතු සඳහා බෙල්ජියානු ආයෝජකයින් හට ශ්‍රී ලංකාවේ අවස්ථා ලබාදීමට හැකි බව අමාත්‍යවරයා එහිදී පවසා ඇත.