ආබාධ සහිත පුද්ගලයන්ට රියදුරු බලපත්‍ර නිකුත් කිරීම සඳහා නියමයන් සඳහන් කරමින් මෝටර් රථ ප්‍රවාහන කොමසාරිස්වරයා විසින් චක්‍රලේඛයක් නිකුත් කර තිබේ.
ඒ අනුව ඉල්ලුම්කරුගේ ආබාධිත තත්ත්වය යටතේ රියදුරු බලපත්‍රය ලබා ගැනීමට අදාළව වෛද්‍ය නිර්දේශය ලබා දීම සම්බන්ධයෙන් ගැටලුවක් පවතින්නේ නම් එම අයැදුම්කරු තාක්ෂණික කමිටුවකට යොමු කළ යුතු බවයි එම චක්‍රලේඛයේ සඳහන් වන්නේ.
මේ අනුව නව කමිටුව මගින් විවිධ ආබාධ සහිත පුද්ගලයන්ගේ ආබාධ තත්වයන් හඳුනාගෙන ඔවුන් සඳහා සුදුසු පරිදි රිය බලපත්‍ර ලබාගැනීමට අදාළ නිර්දේශ සිදුකරනු ලබයි. මෙම කමිටුව සෑම මසකම සිකුරාදාවන් වලදී රැස්වන අතර ආබාධ සහිත අයැදුම්කරුවන් සිය ඉල්ලුම්පතට අමතරව රියැදුරු බලපත්‍ර සඳහා අවශ්‍ය කරන ලිපි ලේඛන හා වෛද්‍ය වාර්තා ද එම කමිටුවට ඉදිරිපත් කළ යුතු බවත් චක්‍රලේඛයේ සඳහන්ව ඇත.