තම සුළු පියාගේ පහරදීම් ඉවසා ගත නොහැකිව නිවසින් පලා යමින් සිටි වයස අවුරුදු 09ක පිරිමි දරුවෙක් තම භාරයට ගත් බව මුන්දලම පොලීසිය පවසනවා.
නාඳුනන පිරිමි දරුවෙක් ප්‍රදේශය තුළ සැරිසරමින් සිටින බවට තාරවිල්ලුව ප්‍රදේශවාසියෙකු විසින් ලබාදුන් තොරතුරක් මත සිදුකළ සොයා බැලීමකින් අනතුරුවයි මෙම ළමයා හමුවී ඇත්තේ.
තමන් පුත්තලම – තබ්බෝව ප්‍රදේශයේ පදිංචිකරුවෙකු බවත් මවගේ දෙවැනි කසාදයේ සැමියා වන සුළු පියා විසින් නිතර පහරදීම් සිදුකිරීම හේතුවෙන් මෙලෙස නිවසින් හොර රහසේ පැන ආ බව දරුවා පොලිසිය පවසා තිබෙනවා.
දරුවාගේ මෙම ප්‍රකාශයත් සමඟ මුන්දලම පොලීසිය වැඩිදුර විමර්ශන කටයුතු සිදුකරනු ලබනවා.