පානදුර මූලික රෝහලේදී කැනියුලාවකින් සිදුවූ විෂබීජ ආසාදනයකින් උණ රෝගියෙකු ඊයේ (13) ජීවිතක්ෂයට පත්ව ඇති බව වාර්තා වෙයි.
රෝහල් ආරංචිමාර්ග සඳහන් කළේ ඖෂධ නියාමන අධිකාරියේ කළමනාකාර සහයකවරයෙක් මෙලෙස ජීවිතක්ෂයට පත්ව ඇති බවයි.
ඔහු සති දෙකකට පමණ පෙර උණ වැළඳී ගාල්ල ප්‍රදේශයේ රජයේ රෝහලකට ඇතුළත් කර ඇති අතර එහිදී සවිකළ කැනියුලාව ආසාදනය වී විෂබීජ ශරීරගත වී ඇති බවයි වාර්තා වන්නි.
වැඩිදුර ප්‍රතිකාර සඳහා පානදුර මූලික රෝහලට ඇතුළත් කර ඇති අතර ඔහු හෘද රෝගියෙකු බැවින් වෙනත් රෝහලකට මාරු කර යැවීමට වෛද්‍යවරුන් උත්සාහ ගත්තද එහිදී ඔහු කැනියුලාවෙන් සිදුවූ විෂබීජ ආසාදනයකින් මරණයට පත් වන්නට ඇති බවයි වෛද්‍යවරුන් සැක පළ කරන්නේ.