ආනයන සීමා හේතුවෙන් රුපියල් කෝටි 52,638 ක් රටට ඉතිරි වී ඇති බව මුදල් රාජ්‍ය අමාත්‍ය රංජිත් සියඹලාපිටිය පැවසීය.
රාජ්‍ය අමාත්‍යවරයා මේ බව සඳහන් කළේ තවත් භාණ්ඩ 286 ක ආනයන සීමා ඉවත් කිරීමට අදාල ගැසට් නිවේදනය අද (18) පාර්ලිමේන්තුවට ඉදිරිපත් කරමිනි.
එහිදී රාජ්‍ය අමාත්‍යවරයා සඳහන් කළේ රටේ පැවැති ආර්ථික අර්බුධය හේතුවෙන් ආනයනික භාණ්ඩවලින් 82% ට මෙලෙස ආනයන සීමා දැමීමට සිදුවූ බවයි.
2019 වසරේදී භාණ්ඩ ආනයනට ඇමෙරිකානු ඩොලර් මිලියන 1950 ක් වැයවූ බව පැවසූ රාජ්‍ය අමාත්‍යවරයා එහිදී අවධාරණය කළේ 2022 වසරේදී ආනයන සීමා හේතුවෙන් ඉන් ඩොලර් මිලියන 1698 ක් ඉතිරි කර ගැනීමට හැකී වී ඇති බවයි.