කෙතරම් දුෂ්කර වුවත් සෑම විටම ජනපති නිවැරදි දේ මහජනතාව වෙනුවෙන් සිදුකරන බවත් පෞද්ගලික, දේශපාලන අභිලාශ වෙනුවෙන් කිසිම විටෙක ජනාධිපති රනිල් වික්‍රමසිංහ රටේ ජනතාව අමාරුවේ දමා නැති බව එක්සත් ජාතික පක්ෂ සභාපති වජිර අබේවර්ධන පැවසීය.
මන්ත්‍රීවරයා මේ බව සඳහන් කළේ මහනුවර දිස්ත්‍රික්කයේ තෙල්දෙණිය සහ උඩුදුම්බර මැතිවරණ කොට්ඨාශවල පැවැති එක්සත් ජාතික පක්ෂ බලමණ්ඩල රැස්වීම් අමතමිනි.
වැටුණු රට ගොඩගෙන නිවැරදි මාර්ගයේ රට ගමන් කරවන විට එය බලා සිටිය නොහැකි අය ජනාධිපතිවරයාගේ වැඩපිළිවෙල විවේචනය කර කඩාකප්පල් කිරීමට උත්සාහ කරන බවත් ඒ ගැන රටේ සමස්ථ මහජනතාව හොඳ කල්පනාවෙන් සිටිය යුතු බවත් හෙතෙම එහිදී අවධාරණය කළේය.