යාපනයේ සිට අක්කරෙයිපත්තුව දක්වා ධාවනය වෙමින් තිබූ රජයේ බස් රථයක් තුළ ගංජා රැගෙන යාමට උත්සාහ කළ පුද්ගලයෙකු ඊයේ (18) රාත්‍රියේ අත්අඩංගුවට ගෙන තිබෙනවා.
එහිදී ඔහු සතුව තිබී කිලෝග්‍රෑම් 4 යි ග්‍රෑම් 160 ක් අඩංගු ගංජා පැකට්ටු සොයා ගෙන ඇති අතර අදාළ බස් රථය තුළ ගංජා ප්‍රවාහනය කරන බවට හමුදා බුද්ධි අංශයට ලද රහසිගත තොරතුරක් මත බස් රථය පරීක්ෂා කිරීමේදී මෙම අත්අඩංගුවට ගැනීම සිදු කර ඇත.
අත්අඩංගුවට ගත් සැකකරු මුලතිව් – පුදුකුඩිරිප්පු ප්‍රදේශයේ පදිංචිකරුවෙකු බවටයි අනාවරණ වී ඇත්තේ.
ඔහු පලෙයි පොලිසිය විසින් අත්අඩංගුවට ගෙන ඇති අතර පොලිසිය විසින් වැඩිදුරපරීක්ෂණ පවත්වයි.