උසස් පෙළ විෂයන් කිහිපයකට අදාළව ගුරුවරුන් බඳවා ගැනීමේ තරග විභාගයක් පැවැත්වීමට තීරණය කළ බව අධ්‍යාපන අමාත්‍යාංශය පවසයි.
ඒ සඳහා කැබිනට් අනුමැතියද ලැබී ඇති අතර ඒ යටතේ උසස් පෙළ ගණිතය හා විද්‍යාව විශය ධාරා සඳහාත් විදේශීය භාෂා විෂයන් සඳහාත්, තාක්ෂණික විෂය ධාරාව සඳහාත් ගුරුවරුන් බඳවා ගන්නා බවයි එම අමාත්‍යංශය නිවේදනයක් නිකුත් කරමින් පවසන්නේ.
මේ යටතේ පළාත් මට්ටමින් 5450ක පිරිසක් බඳවා ගැනීමට නියමිත අතර විභාගය සඳහා අයැදුම්පත් කැඳවීම ඉදිරි සති කිහිපය තුළ සිදු කෙරෙනු ඇති.
අවුරුදු 35ට අඩු ගුරු ව්‍යවස්ථාවට අනුව සුදුසුකම් සපුරා ඇති උපධිදාරීන්ට මේ සඳහා ඉදිරිපත් වීමේ හැකියාව පවතී.