ලංකා ප්රිමියර් ලීග් තරගාවලියේ සිව්වන අදියරේ සමාරම්භක උළෙල ඊයේ (30) කොළඹ ආර්.ප්රේමදාස ක්රිකට් ක්රීඩාංගණයේදී පැවැත්වුණා.
මෙම උළෙලේදී ජාතික ගීය ගායනා කිරීමේ අවස්ථාව මෙරට ජනප්රිය ගායිකාවක් වන උමාරා සිංහවංශට හිමිව තිබුණා.
එහිදී උමාරා විසින් ජාතික ගීය ගායනයේ දී ‘නමෝ නමෝ මාතා’ කොටස වෙනුවට ‘නමෝ නමෝ මහතා’ ලෙස ගායනා කිරීම පිළිබඳව මේ වනවිට රට තුළ දැඩි කතාබහක් මතුව තිබෙනවා.
ජාතික ගීයේ පද වෙනස්කර මෙලෙස ගායනය කිරීම සම්බන්ධයෙන් මේ වනවිට පාර්ශ්ව රැසකින් දැඩි විරෝධයක් සහ විවේචන එල්ල වී ඇති ආකාරය දැකගත හැකියි.
මේ අතර සමාජ මාධ්ය කැළඹී ඇති මෙම සිද්ධිය වෙනුවෙන් Mahatha යනුවෙන් හැෂ් ටැගයක්ද නිර්මාණය වී ඇති ආකාරය දැකගත හැකියි.
