බණ්ඩාරවෙල, කහත්තේවෙල ප්‍රදේශයේ ඉදිකරන ලද මෙරට පළමු අර්තාපල් තීරු නිෂ්පාදන කර්මාන්තශාලාව හෙට (11) විවෘත කිරීමට නියමිතය.
අර්තාපල් තීරු ආනයනය කිරීම සඳහා වාර්ෂිකව වැය කරන රුපියල් මිලියන 3500 ක මුදල ඉතිරි කර ගැනීමේ අරමුණින් මෙම කර්මාන්තශාලාව ආරම්භ කර තිබේ.
මේ සඳහා කෘෂිකර්ම අමාත්‍යාංශයේ කුඩා පරිමාණ කෘෂි ව්‍යවසායකත්ව වැඩසටහන (SAPP) පහසුකම් සපයා ඇත.
මෙම කර්මාන්තශාලාව ඉදිකර අවසන් කිරීම සඳහා රුපියල් කෝටි දෙකක පමණ මුදලක් වැය කර ඇති අතර අර්තාපල් තීරු නිෂ්පාදනය කරන මෙරට පළමු කර්මාන්තශාලාව මෙයයි.
මෙම කර්මාන්තශාලාවේ අර්තාපල් තීරු නිෂ්පාදන දේශීය වෙළෙඳ පොළට නිකුත් කිරීමට නියමිතය.